SUMARFERIE!

Eg har hatt sumarferie i heile tre herlege dagar!:oD

Hm... irriterandes

Ja, og så er det noko retteleg merksnodig med desse klokkesletta på denne bloggen...

Snart, verkeleg snart...

No er det ein og ein halv dag att til sumarferien.

Ned for teljing

No er det tre og ein halv dag att til sumarferien.

Lesesalen

Eg imponerte meg sjølv i dag (og nok resten av huslyden også)! Eg stod tidleg opp. Eg klarte det faktisk - heilt sjølv!:oD Rett nok med hjelp frå The O.C. Supertones som bles i trompetar frå den automatisk innstilte og alarmerande cd-spelaren min. Og ikkje minst frå alarmen på mobilen, som ringde 10 min. etter som ei aldri så lita forsikring. Men merk: Eg slumra ikkje ein einaste gong! Som du kanskje forstår, har eg altså litt vanskar med å kome meg opp om morgonen for tida.... Men i dag, i dag kom eg meg opp og avgarde. Eg er ikkje heime og vaskar klede. Eg vaskar ikkje hus ein gong. Eg sit på lesesalen!:oD

Men... om ein likevel skal sjå aldri så lite negativt på dagen... Kvifor i all verda er det ikkje mogleg for menn som sit ved sida av ein på lesesalen å puste gjennom munnen, i staden for gjennom nasen? Eg berre undrast.

Framleis eksamenstid

Ja... Nok eit framifrå døme på korleis slike bloggar har større tiltrekkjingskraft enn tankekart og pensumbøker. Meiningsløyse kallar ein slikt.

P.S. Må forresten nemne at også skittentøyskorger og vaskemaskiner har ei viss kraft.

Eg - ein bloggar?

Ja... Så har eg altså fått litt sansen for desse bloggane i det siste. Desse litt morosame vinklingane på livet. Desse sidene på internettet som, i tillegg til Facebook sjølvsagt, har ei merksnodig tiltrekkjingskraft i desse eksamenstider. Hm... då gjenstår det å sjå om eg kan vinkle livet mitt på ein slik morosam ein måte. Eg har mine tvil. Eg freistar å lese til eksamen... Livet er ikkje morosamt.